Тендер туралы «ұмытыпты»

Құрманғазы ауданында 2014-2015 жылдарға мектепке ыстық тағам жеткізушілерді таңдау жөніндегі мемлекеттік органдардың жұмысына тексеру жүргізілді.

Облыстық прокуратураның баспасөз қызметі хабарлағандай, байқау құжаттарын талдау барысында аудандық прокуратура қызметкерлері көптеген заң бұзушылықтарды анықтады. 20 мектептің 18-інде жеткізушілермен тендерсіз келісімшарттар жасалғандығы анықталды.

Аудандық прокуратураның наразылығы бойынша жалпы сомасы 92 млн теңгенің келісімшарттары бұзылды, ал тендер өткізу үшін жауапты адамдар тәртіптік жауапкершілікке тартылды.

Мұрат СҰЛТАНҒАЛИЕВ