​ҰБТ: 120 баллдан «анықтамаға» дейін

Атырау облысында Бірыңғай ұлттық тестілеуге 3 527 қатысушылардың 1 824-і межелік өту балынан (50) өте алмады.

Алдын ала қорытындылар бойынша ҰБТ-ға 3 527 талапкер қатысты, бұл жалпы мектеп түлектері санының 73,3 пайызын құрайды. Орташа балл – 61 балл. «Алтын белгі» төсбелгісін алуға 105 үміткердің 25-і, ерекше үлгідегі аттестатқа 44 үміткердің 8-і өз білімдерін қорғап шықты. Облыстағы ең үздік нәтижені – 120 баллды Досмұхамедов атындағы лицей түлегі Нұрай НҰРЫМЖАНОВА (суретте) жинады.

Заң бұзушылықтар да болды: 2 және 4 маусымда ҰБТ кезінде ұялы телефон пайдалану кезінде ұсталған алты адамды аудиториядан шығарып жіберді. Олардың тест нәтижелері күшін жойды, ал бұл олар тек мектеп бітіргендігі туралы анықтама ғана алады деген сөз.

Зульфия ИСКАЛИЕВА