В Атырау +21.7 
ҚР мемлекеттік қызмет істері және сыбайлас жемқорлыққа қарсы іс-қимыл агенттігі департаментінің қызметкерлері Атырау қаласындағы ауылдық округтердің бірінің әкіміне қатысты қылмыстық істі тергеп, сотқа жолдады.
Департамент басшысының міндетін атқарушы Нұрлан ҚАМБАТЫРОВ былай деп хабарлады: «Атырау қаласындағы ауылдық округтердің бірінің әкіміне қатысты ҚР ҚК-нің 366-бабы (пара алу) бойынша қылмыстық іс қозғалды. Ол жеке кәсіпкер К-ден коммерциялық мақсат үшін жер телімін кеңейтуге өз келісімін бергені үшін, сондай-ақ, әрі қарай қажетті құжаттарды ресімдеуге көмектескені үшін 110 000 теңге пара алды деп айыпталуда. Қазіргі кезде қалалық №2 сотта қылмыстық іс тергелуде».
Мұрат СҰЛТАНҒАЛИЕВ
8 маусым 2015, 15:37