В Атырау -10 
31 мамыр күні кешкісін қала сыртындағы Тасқала-2 елдімекені көшелерінің бірінде белгісіз жүргізуші 8 жасар қызды қағып кетіп, оқиға орнынан ізін суытқан.
Қазір қыз бала ауыр халде облыстық балалар ауруханасының жансақтау бөлімінде жатыр.
ІІБ баспасөз хатшысы Гүлнәзира МҰХТАРОВА хабарлағандай, 1 маусым күні жедел-іздестіру шаралары нәтижесінде жол-патруль қызметінің аға сержанты Ренат ИМАШЕВ қыз баланы «Лада-Калина» автокөлігімен 21 жастағы әйелдің қаққанын анықтады. Г.Мұхтарованың айтуынша, оқиғаға кінәлі тұлға өз кінәсін толығымен мойындады. Қазіргі таңда іспен ІІБ тергеу бөлімі айналысуда.
Лаура СҮЛЕЙМЕНОВА
Суретті ІІБ баспасөз қызметі ұсынды
3 маусым 2015, 12:04