Нөсерден соң: көліктің үстіне терек құлады

12 мамырда күшті жауын салдарынан, шамасы, топырақ қатты езіліп жұмсарған болса керек, Жилгородок ықшамауданы Одесская көшесіндегі терек құлады.

Шамамен таңертеңгі сағат 9.00-де келе жатқан «Приора» көлігінің үстіне терек құлап түсті. Көлікте Әуезов көшесінде тұратын орта жастардағы ер адам мен мектеп оқушысы болған. Ешкім зардап шеккен жоқ.

Көлік қожайыны әңгімелейді:

–Ешқандай жел болған жоқ. Сатырлаған дыбыс естілді, мен әлдекім көлігімнің артынан соққан екен деп ойлап, бұрылып қарадым. Терек капотқа құлапты.

Мұрат СҰЛТАНҒАЛИЕВ

Суретті түсірген автор