​Жауын-шашынға байланысты сабақ тоқтатылды (+толықтырылды)

Қалалық білім бөлімінің басшысы Нұрсәуле САЙЛАУОВА 12 мамырда жауын-шашынның мол жаууына байланысты бір күнге Атырау қаласындағы мектептер мен балабақшаларда сабақ тоқтатылғанын хабарлады.

13 мамырда мектептер мен балабақшалар жұмыс істей ме? Бұл туралы қалалық білім бөлімі 12 мамыр күні кешке хабарлауға уәде берді.

Қалалық білім бөлімінің басшысы Нұрсәуле САЙЛАУОВА хабарлағандай, ертең, 13 мамыр күні Атырау қаласының мектептері мен балабақшаларында сабақ болады.

Одан бөлек, қалалық білім бөлімі ертең эвакуациялық шаралар жүргізуге байланысты ата-аналар балаларын мектепке туу туралы куәлігімен бірге жіберулері тиіс деген алыпқашпа әңгімені жоққа шығарды. Сондай-ақ, Н.Сайлауова бүгін күндіз мектептердің біріндегі суға толы құдыққа бір оқушының құлап кеткендігі жөніндегі әңгімені де жоққа шығарып отыр.

Мұрат СҰТАНҒАЛИЕВ

Суретті түсірген автор