Сурет "АЖ" мұрағатынан алынды. 6 мамырда тал түсте 102 кезекшісінің пультіне белгісіз әйелден қоңырау түсті. Ол Атырау қалалық ІІБ ғимаратына жарылғыш құрылғысы салынғанын хабарлады.
Ғимараттан 100-ден астам адам қауіпсіз жерге көшірілді. Иттер мен саперлер ештеңе таба алмады. Ал кешікпей жалған лаңкес ұсталды.
- Бұл СМП-136 ықшамауданында тұратын 27 жастағы Атырау тұрғыны, - дейді ІІД баспасөз қызметінің жетекшісі Гүлназира МҰХТАРОВА. - Ол мас күйде қоңырау шалғанын түсіндіріп, мойындау жауабын берді. Қазіргі кезде ол уақытша ұстау изоляторына қамалды.
Тамара СУХОМЛИНОВА