Мысырдың бұрынғы президенті Мурси 20 жылға сотталды

АСТАНА. ҚазАқпарат - Мысыр соты елдің экс-президенті Мухаммед Мурсиді және «Мұсылман бауырлар» қозғалысының 12 лидерін 20 жылға бас бостандығынан айырды. Сонымен қатар Мурсиде, оның жақтастарында да шартты түрде мерзімінен бұрын босатылу құқығы жоқ екені аталып өтілді, деп хабарлады lenta.ru Reuters агенттігіне сілтеме жасап.

Бұрынғы мемлекет басшысы мен «Мұсылман бауырлар» қозғалысының лидерлеріне 2012 жылдың желтоқсанында президент резиденциясы маңындағы шеру ұйымдастырушылардың алтауын өлтірді деген айып тағылған.

Сот шешіміне шағымдануға болады.

Осыған дейін Мысырдың экс-президенті мен жақтастарын өлім жазасына кесуі мүмкін деп хабарланған болатын.

Дереккөз: inform.kz