Украинада донецкілік журналист қаза тапқан

1 343 просмотра

Украинада Донецк облысынан шыққан журналист Сергей Сухобокты өлтіріп кетті деп хабарлады "Обком" ақпараттық сайты.

Сайттың хабарлауынша, "Обком" сайты мен ProUa интернет басылымының негізін салған Сергей Сухобокты сәурдің 13-іне қараған түні өлтіріп кеткен. Журналистің қалай қаза тапқаны туралы айтылмайды.

Сухобоктың үкімет күштері мен ресейшіл сепаратистер арасында ұрыс жүрген Донецк облысында я болмаса басқа жерде мерт болғаны белгісіз.

1998 жылдан бастап журналистикамен айналысқан Сергей Сухобок 2001-2009 жылдары "Обком" басылымы редакторының орынбасары, кейін тілшісі болып қызмет еткен.

Соңғы жылдары ол Украинадағы бірнеше ақпарат құралдарына шолушы, сарапшы ретінде мақала жазып жүрген.

Дереккөз: Азаттық радиосы

16 сәуір 2015, 16:22

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.