Атырау, 18 шілде 22:11
Түнде ашық+26, таңертең +33
ҚР Ұлттық банкінің валюта бағамы: $ 383.98  € 430.63  P 6.11

Оралда көрме өтеді

22 қыркүйек 2011 16:26

23 қыркүйектен бастап Орал қаласында халықаралық деңгейде «Жазира Жайық» атты көркемсурет көрме-байқауы өтпек. Ол тура бір айға созылады.  Ерке Жайықтың  көркін  Атыраудан суретшілеріміз Камила ЖАПАЛОВА мен Елуғали ДӘУКЕНОВ бейнеледі.

Батыс Қазақстан облыстық «Өнер» қоғамдық қорының президенті Қуандық МӘДІРДІҢайтуынша, еліміздің тәуелсіздігінің 20 жылдығына орайластырылған көрменің негізгі мақсаты - өзге аймақтардағы суретшілермен тәжірибе алмасып, дәстүрлі сипат алуына ықпал ету.

Көрмеге Ресейдің Астрахан, Волгоград, Орынбор, Самара, Саратов облыстары суретшілері мен өзіміздің Ақтөбе, Атырау, Маңғыстау өңіріндегі майталман қылқалам шеберлерін қатыстыру жоспарланған. Атап айтсақ, Ресейден 13 суретші, ал Қазақстаннан 20 суретші сынға түседі деп күтілуде.

Атыраулық суретші Камила Жапалова Орал өңірінен жүлделі орындардың бірінен дәмелі екендігін жасырмайды. Ол көрме-байқауға «Киелі қобыз», «Ел тәуелсіздігіне - 20 жыл» және «Байлығымыз - балығымыз» атты үш жұмысын алып барады. Ал Елуғали Дәукенов болса, «Үкілі кәмшат» атты жұмысын ұсынбақшы.  

Байқау  шарты бойынша көрмеге соңғы үш жылда жасалған жұмыстар қойылуы керек. Кез-келген автор кем дегенде үш суретін әкелуі тиіс. Ал, эротикалық тақырыптағы картиналар қабылданбайды, - дейді ұйымдастырушылар.

Байқау қорытындысына сәйкес, қазылар алқасы тарапынан әр түрлі номинациялар бойынша 10 таңдаулы жұмысты таңдайды. Жеңімпаздар құнды сыйлықтармен, дипломдармен, құттықтау хаттармен марапатталады.

Бірінші орынға - 100 000 теңге сыйақы, екінші орынға - 75 000 теңге сыйақы, үшінші орынға - 50 000 теңге сыйақы тағайындалып отыр.

Айнұр АСЫЛБЕКҚЫЗЫ

Нашли ошибку? Выделите её мышью и нажмите Ctrl + Enter.

Есть, чем поделиться по теме этой статьи? Расскажите нам. Присылайте ваши новости и видео на наш WhatsApp +7 707 37 300 37 и на editors@azh.kz

 

1726 рет қаралдыБасты бет Поделиться:

Подпишитесь и узнавайте о новостях первыми


Басты бет

Наш WhatsApp номер для новостей:
1 2 3 4

Последние новости