​Ретро-парк ашылады

Ақпан айында Құрманғазы мәдениет үйінің артындағы Жайық өзені жағалауындағы 3,5 гектар жер телімінде ретро-парктың құрылысы басталды.

Тапсырыс беруші – қалалық құрылыс бөлімі, мердігер – «Әлем Констракшн Групп». Нысан ТШО-ның «Игілік» бағдарламасы бойынша салынып жатыр.

«Әлем Констракшн Групп» ЖШС директоры Нұрлыбек ИЩАНОВТЫҢ айтуынша, ретро-паркте амфитеатр, кафе, көрме павильоны, ротондалар, әуенді және сәулелі су бұрқақтар, жасанды тоғандар, отырғыштар және басқа да архитектуралық қалыптар болады. Жоба бойынша мұнда 750 ағаш отырғызылуы керек. Құрылысты 2017 жылғы қаңтарда бітіру жоспарланған.

Мұрат СҰЛТАНҒАЛИЕВ

Суретті түсірген автор және Қанат ЕЛЕУОВ