Табиғаттың тосын сыйы шетел көлігін бүлдірді

8 сәуірде Атырауда жылдамдығы секундына 15-20 метр болатын жел тұрды.

Авангардтағы 3-ықшам аудандағы №39 «в» үй қабырғасының сылақпен сыланған қабаты жанында тұрған «Субару-Форестер» көлігіне опырылып құлады. Қожайыны есеңгіреп қалды. Оның көлігі апаттан сақтандырылған екен, бірақ ауа-райының тосын сыйынан емес. Қалай болғанда да, ол көліктің бүлінуіне байланысты хаттама рәсімделуі үшін жол-патруль қызметкерлерін күтті. 9 сәуірдегі ауа-райына келсек. «Қазгидромет» РМК облыстық филиалының метеоболжам бөлімінің бастығы Күлайна МЫРЗАШЕВАНЫҢ айтуынша, сол жылдамдықта ұйтқып жел соғады, кешке жауын-шашын болады деп күтілуде.

Мұрат СҰЛТАНҒАЛИЕВ

Суретті түсірген автор