В Атырау +4 
16 наурызда Атырауда кісі өлімімен аяқталған жол-көлік оқиғасы орын алды.
ІІД анықтау басқармасының аға анықтаушысы Қадырбек ӘБІШЕВТІҢ айтуынша, 16 наурызда сағат 21.25-те Құрманғазы көшесінде «Арна» жанар-жағармай бекетінің жанында Жұмыскер поселкесі жақтан келе жатқан «Хёндай-Акцент» көлігі жаяу жүргінші өткелінде өтіп бара жатқан жүргіншіні қағып кетті. Ол соққы салдарынан қарсы жолақта келе жатқан «Лада» ВАЗ-2114 көлігінің алдыңғы әйнегіне соғылды. Алынған зақым салдарынан 19 жастағы жігіт «жедел жәрдем» көлігінде көз жұмды. «Хёндай-Акцент» жүргізушісіне қатысты ҚР ҚК-нің 345-бабының 3-тармағы («Абайсызда адам өліміне әкелген жол жүрісі қағидаларын бұзу») бойынша қылмыстық іс қозғалды.
Мұрат СҰЛТАНҒАЛИЕВ
17 наурыз 2015, 14:55