Путин Кремль әкімшілігі қызметкерлерінің жалақысын 10%-ға қысқартты

Фото: ruspravda.infoАлматы. 6 наурыз. ҚазТАГ – Ресей президенті Владимир Путин «РФ президент әкімшілігінің федералды мемлекеттік азаматтық қызметкерлерін ақшалай асырау туралы» өкімге қол қойды, оған сәйкес президент әкімшілігі қызметкерлерінің жалақысы 10%-ға қысқартылды, деп хабарлайды kremlin.ru.

«2015 жылдың 1 мамыры мен 31 желтоқсаны аралығында Ресей Федерациясы президенті әкімшілігінің федералды мемлекеттік азаматтық қызметкерлеріне ақшалай еңбекақы 10%-ға азайтылып төленсін», - делінген жұма күні Ресей президентінің сайтына орналастырылған өкім мәтінінде.

Өкім оған қол қойылған күннен бастап күшіне енеді. 

Дереккөз: ҚазТАГ