В Атырау +4 
– Жұмыскерде балабақшаны жолдың қақ ортасына салып қойған, көбінесе балалар қақпадан шыға салып, көлік жолына жүгіреді. Ал жақын маңда жол кедергілері жоқ. Балабақшадағы ойын алаңы да тар. Жалпы Жұмыскер-1 поселкесінде жол жоқ. Балалар мектепке балшық кешіп баруға мәжбүр.
Әсем Төлегенова
Сұраққа Атырау қаласы әкімі Нұрлыбек Ожаев жауап берді:
– Балабақша алдындағы жолға жасанды кедергілерді орнату туралы сіздің өтінішіңізді осы мәселені шешуге құзырлы органдармен біріге отырып, қарастырамыз. Жолдарға келер болсақ, «Сәулет, қала құрылысы және құрылыс қызметі туралы» ҚР заңының 60-бабының 1-тармағына сәйкес, нысандардың және олардың кешендерінің құрылысы заңда бекітілген талаптар тәртібімен (әзірленген жобалау-сметалық құжаттамалар бойынша) жүзеге асырылады. Жұмыскер-1 поселкесіндегі жолдарды асфальттау мәселесі бойынша ЖСҚ әзір екенін, жұмыстар бюджеттен қаржы бөлінгеннен кейін басталатындығын хабарлаймыз.