В Атырау
+1 
Күн сәулелі станция
Жылыой ауданында қуаты 10 мВт болатын күн сәулесінен энергия өндіретін станция салынбақшы.
Мердігер - «Экопроект-Құлсары» ЖШС.Инновациялық жобаны іске асыруға 10 млн доллар көлемінде инвестиция тартылмақ. Бүгінде Жылыой аудандық әкімдігінен станция құрылысын жүргізу үшін арнайы жер телімі де бөлінген.
***
Су ысырап болмас үшін
Жем бойына келетін табиғи суды тиімді пайдалану үшін Құржем және Бақашы бөгеттеріне гидротехникалық құрылғылар (шлюздер) салу жұмыстары қолға алынбақ.
Сондай-ақ, Құрсай каналын тазартып, тереңдете қазу жұмыстары жүргізіледі. Қазір бұл жұмыстардың жобалық-сметалық құжаты дайындалып жатыр.
***
Өнерге деген ықылас
Қызылқоға ауданындағы «Арман» мәдениет үйінде Миялы, Сағыз, Жанкелдин, Ойыл округтерінен келген мүмкіндігі шектеулі жандардың қолөнер көрмесі ұйымдастырылды.
Онда түрлі кәдесыйлар, мата мен мақтадан жасалған бұйымдар қойылды.
Ләззат ҚАРАЖАНОВА