В Атырау +4 
Атырау облысы прокурорының орынбасары Бауыржан САУҒАБАЕВ 20 ақпанда биылғы жылдың 1 қаңтарынан бастап күшіне енген ҚР Қылмыстық және Әкімшілік құқықбұзушылық туралы кодекстердегі жаңа өзгерістер бойынша өткен брифингте облыс прокурорының орынбасары Бауыржан САУҒАБАЕВ терроризммен және экстремизммен күрес туралы әңгімеледі.
– Жаңа ҚК-те 3-тен 7 жылға дейін бас бостандығынан айыру жазасын қарастыратын 172-бап («Шетелдік қарулы қақтығыстарға қатысу») бар, - деді Б.Сауғабаев. – Осы бап бойынша жыл басынан бері Атырау облыстық ҰҚК қазіргі уақытта шетелде жүрген облыстың 8 тұрғынына қатысты 8 қылмыстық іс қозғады. Бізде олардың сол жақта қарулы қақтығыстарға қатысып жүргендігі туралы айқын дәлеліміз бар.
– Олар Сирияда соғысып жүр ме?
– Сирияда және басқа мемлекеттерде. Тағы бір факт – Атырау облысының тұрғыны Украинадағы қарулы қақтығысқа қатысқан. Оған қатысты сотқа дейінгі тергеу жұмыстары жүріп жатыр. Ол қазір Атырауда, қамауға алынған.
–Толығырақ айтып берсеңіз.
– Жоқ. Әзірге ешқандай толық ақпарат айта алмаймын.
Жазып алған Мұрат СҰЛТАНҒАЛИЕВ
Суретті түсірген Қанат ЕЛЕУОВ