Кэмерон: Путин ұстанымын өзгертпей санкция алынбайды

2 340 просмотра

Ұлыбритания премьер-министрі Дэвид Кэмерон (сол жақта) мен Украина президенті Петр Порошенко. Брюссель, 12 ақпан 2015 жыл.Еуропа одағының (ЕО) Ресейге Шығыс Украинадағы қақтығыста қатысы үшін салған санкциялары Ресей президенті Владимир Путин қақтығысқа қатысты ұстанымын нақты өзгертпейінше күшінде қалуы тиіс деп мәлімдеді Брюссельдегі ЕО саммитіне барған Ұлыбритания премьер-министрі Дэвид Кэмерон.

АҚШ Минскіде жасалған келісімді қолдайтынын, бірақ ол орындалуы тиіс екенін ескертті. "Бұл келісім - қақтығысты бейбіт реттеп, Украинаның егемендігін қалпына келтіруге жасалған ерекше маңызды қадам" деп мәлімдеді Ақ үй.

Еуропа кеңесінің басшысы Дональд Туск соңғы Минск келісімінің қаншалықты орындалатыны 15 ақпаннан кейін белгілі болатынын мәлімдеді.

Қазақстан сыртқы істер министрлігі Минскіде төрт ел басшыларының Донбасстағы қақтығысты тоқтату туралы жасасқан келісімін қолдайтынын мәлімдеді. Министрлік тараптарды "Шығыс Украинадағы қақтығысты тезірек тоқтатуды көздейтін келісімді толық орындауға" шақырады.

Дереккөз: azattyq.org

13 ақпан 2015, 11:17

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.