«Итальяндық» Нарын құмын қолайлы көреді

«Республикалық фитосанитарлық диагностика және болжамдар әдістемелік орталығы» ММ облыстық филиалы мамандары 2015 жылы Құрманғазы ауданының теңіз жағалауында шегіртке зиянкестерінің саны артады деп болжам жасап отыр.

- Біз биыл Құрманғазы ауданында азиялық шегірткенің зиян келтіру ауданы 40%-ға артады деп қорытынды жасап отырмыз. Бұл Каспий теңізінің пестицидтермен өңделмеген жолсыз жағалаулары мен аралдары, - дейді филиал директоры Хамидолла ДӘУЛЕТИЯРОВ. – Біз дельтапландардың көмегімен өңделетін жерлер мен олардың мерзімдерін белгіледік. Өз уақытында өңдеу жұмыстарын жүргізу жәндіктердің таралуына жол бермейді.

Этномологтардың тағы бір болжамы бойынша, шегірткенің тағы бір түрі – итальяндық тарақан жайылған аумақ 38%-ға азаймақ. «Азиялықтан» «итальяндықтың» бір айырмашылығы олар ылғалға төзбейді, сондықтан да Нарын құмы мен Тайсойғанды қолайлы көреді екен.

Мұрат СҰЛТАНҒАЛИЕВ