Сұраныс бойынша анықтама

- Бірнеше жыл бұрын менің көршім алимент алуға арыз берген кезде сот барысында одан балаларының денсаулығы жайлы анықтама талап етіпті. Бұл талап әлі күшінде ме?

Сұраққа адвокат Гүлсім САБЫРОВА жауап берді:

- Алимент өндіру бойынша арызға қосымша ретінде балалардың денсаулығы туралы анықтаманы міндетті талап ету заңмен қатаң реттелмеген. Бұл сот бұйрығын шығарар кезде осы балалардың дені сау ма немесе тірі ме – соған көз жеткізу қажеттілігінен туған, себебі, сот сот қаулысын тараптарды сот отырысына шақырмай-ақ арыз бергеннен кейін үш күн ішінде шығарады. Қазіргі кезде де бұл талап қатаң орындалуға жатпайды, соттар сот қаулысын бұл анықтаманың бар-жоғына қарамай шығара береді.