Ахмет Давутоғлу израильдік әріптесін Париждегі лаңкестерге теңеді

1 521 просмотра

Түркия премьер-министрі Ахмет Давутоғлу израильдік әріптесі Биньямин Нетаньяхуды Парижде 17 адамды қырып салған лаңкестерге теңеді, деп хабарлайды Bnews.kz.

«Нетаньяхудың Парижде журналистерді өлтірген лаңкестерден ешқандай айырмашылығы жоқ. Бұған нақты дәлелім де бар. Өздеріңіз білесіздер, Израиль арнайы жасағы 2010 жылы Түркия кемесін басып алып, 10 азаматымызды мерт қылған болатын. Сонымен қатар, мыңдаған үйді қиратып, сан мыңдаған халықтың өмірін жалмағанын да ешкім ұмыта қойған жоқ. Осы Израиль министрлер кабинетінің кесірінен бейбіт халық қырылып жатыр», - деп Түркия премьер-министрі Нетаньяхудың айыптарын қалың бұқараға жайып салды.

Естеріңізде болса, Давутоғлу Париждегі Бейбітшілік маршына қатысқан Нетаньяхуды сынға алған болатын. Ал Нетаньяху халықаралық қауымдастықтың назарын басқаға бұрып, түрік саясаткерінің айтқандары көзге ілуге тұрмайтын дүние екенін жеткізгісі келген.

Дереккөз: bnews.kz

16 қаңтар 2015, 16:43

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.