«АМӨЗ» ЖШС бас инженерінің міндетін атқарушы Еркін СҮЛЕЙМЕНОВТЫҢ айтуынша, 2014 жылы «ҚазМұнай Газ– Қайта өңдеу және маркетинг»АҚ бекіткен мұнай өңдеудің бастапқы жоспары 4,8 млн тонна құраған. Алайда кейін тамыз-қыркүйек айында қалыптасқан елдегі жанар-жағармай тапшылығы ескеріліп, ол 4,92 тоннаға дейін көбейтіліп, табысты орындалды.

2015 жылы бас компания АМӨЗ алдына 5 млн тонна мұнай өңдеу жөнінде жаңа міндет қойды. Бұл зауыттың толық қуат жүктемесін білдіреді. Кестеге сәйкес, 2015 жылы АМӨЗ ЭЛОУ-АВТ-3 мұнайды бастапқы өңдеу қондырғысына ағымдағы жөндеу жұмыстарын жүргізуі тиіс. 

- Жөндеу кезеңінде мұнай өңдеу көлемі уақытша азайтылатын болады, бірақ бұл негізгі тұтынушыға әсер етпейді, - деп уәде берді Е.Сүлейменов.– Ішкі нарыққа жанар-жағармай үздіксіз жеткізілетін болады.

Мұрат СҰЛТАНҒАЛИЕВ