Обама: Ауғанстандағы әскери миссия аяқталды

1 617 просмотра

АҚШ президенті Барак Обама Америка әскерінің Ауғанстанда он жылдан астам уақытқа созылған миссиясы аяқталғанын мәлімдеді.

Желтоқсанның 25-інде Рождество мерекесіне орай Гавайдағы теңіз жаяу әскері базасында сөйлеген Обама америкалық сарбаздар "өздерін құрбан ету арқылы" 2001 жылы 11-қыркүйектегі терактіден кейін "әлемнің барынша көркейіп, гүлденуіне үлес қосты" деді.

"АҚШ қарулы күштерінде қызмет ететін ерлер мен әйелдердің ерен еңбегі арқасында Ауғанстан мемлекет деңгейіне қайта көтерілді. Біз қауіпсізбіз. Бұл ел енді террористік шабуылдардың ошағы емес" деген Обама.

АҚШ пен НАТО осы жыл соңына дейін Ауғанстаннан негізгі әскерінің көпшілігін шығарып әкетуді аяқтайды. Ауғанстанда әскер мен қауіпсіздік күштерін дайындау үшін 13 мың 500 шетел әскері ғана қалмақ.

Дереккөз: Азаттық радиосы

26 желтоқсан 2014, 16:02

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.