В Атырау +4 
youtube.com-нан алынған бейнежазба скриншоты«АЖ» сайтындағы «“Болмаған” ЖКО» жарияланымынан кейін редакцияға ІІД әкімшілік полиция басқармасы бастығының орынбасары Жәнібек ШӘРІПОВ қол қойған хат келіп түсті.
Онда былай делінген: «2014 жылы 1 желтоқсанда 1953 жылы туған азаматша И.У. мен 1998 жылғы кәмелетке толмаған Е.Н.-ны Атырау қалалық ІІБ жол-патрульдік қызмет батальонының полицейі Ниғметов А. басқарған мемлекеттік нөмірі Е527 КР «Шкода-Октавия» маркалы автокөлігі соғып кетті. Ол алдын алу мақсатында тежегішін басқанымен, жер тайғақ болып, жаяу жүргіншілермен жанама соқтығысқан. Атырау қалалық ІІБ қызметкері Ниғметов А. ҚР ӘҚтК-нің 476-бабына сәйкес, әкімшілік жауапкершілікке тартылды. Азаматша И.У. мен кәмелетке толмаған Е.Н. анасы сот-медициналық сараптамадан өтуден бас тартты.
Осы ЖКО бойынша материалдар Атырау қалалық ІІБ-нің есеп кітабына №26269 болып тіркелген».
«АЖ» АНЫҚТАМАСЫ
476-бап («Көліктегі әкімшілік құқық бұзушылық») Әкімшілік құқықбұзушылық туралы кодекстің 27-тарауына кіреді. 476-бапта былай делінген: «Кодекстiң осы тарауында тiзiп көрсетiлмеген, жол қозғалысы қауiпсiздiгiн қамтамасыз ету ережелерiмен белгiленген жол қозғалысына қатысушыларға қойылатын өзге де талаптарды бұзу - ескерту жасауға немесе айлық есептiк көрсеткiштiң екiден бiр бөлiгiне дейiнгi мөлшерiнде айыппұл салуға әкеп соғады.
Ескерту. Хаттама жасау кезiнде жол қозғалысы қауiпсiздiгiн қамтамасыз ету ережелерiнiң нақты қандай нормасы бұзылғандығы көрсетiледi».