Жолаушыларды жолдан қалдырған маршрут

- Мен Водников поселкесінде тұрамын. Біз қалаға тек №5 маршрутпен ғана жете аламыз. Қазір маршруткалар 30-40 минуттық интервалды сақтап, өте сирек жүреді. Оның үстіне Құрсайдан кісіні толтырып алып, біздің аялдамамызға тіпті, тоқтамай да кетеді. Басқасын күтуге тура келеді. Бұл мәселені шешу үшін кімге жолығуымыз керек?

www.azh.kz сайтынан

Қалалық ТКШ, автокөлік жолдары және жолаушылар тасымалы бөлімінің бастығы Жұмабай ҚАРАҒАЕВ оның себебін анықтау үшін мамандарды жіберуге уәде етті. «Жақында тендер болды, тендерде бұл маршруттың жаңа тасымалдаушысы анықталды. Кез-келген жағдайда тұрғындардың шағымы қаперге алынатын болады, біз барлық тиісті деген шараларды қолға алатын боламыз».