Петербургтен келген кубок

Н. Жантөрин атындағы филармония жанындағы«Атырау»вокалды ансамблі Санкт-Петербургте өткен «Золото осени» халықаралық шығармашылық байқау-фестивалінде сәтті өнер көрсетті.

«Атырау» ансамблінің жетекшісі Алтын ЖҰМАТИНА былай дейді:

- Фестиваль бағдарламасында вокал, би, цирк және музыкалық байқаулар болды. Біздің балаларымыз тек вокал байқауына қатысып, жақсы өнерлерімен көзге түсті. Екі қызымыз 3-ші жүлделі орынды алса, біреуі 1-дәрежелі дипломант атанды. Нәтижесінде ансамбліміз фестивальдан 3-орын кубогын алып қайтты.

Жеңімпаздар әлі өте жас, жетістіктері әлі алдарында. 5 жасар Алтынай Төлеген Кеңес Дүйсекеевтің «Жау-жау, жаңбыр» және Михаил Таничтың «Из чего наш мир состоит?» әндерін орындады.  7 жасар Айпара Шапиева әділ қазыларды Бақытжан Байқадамовтың «Айгөлек» және Людмила Мельникованың «Фестиваль» әндерімен таңғалдырды. 8 жастағы Ақмарал Асыланбекқызы Нұрғиса Тілендиевтің «Саржайлауы» мен «Қасқыр және жеті лақ» кинофильмінен «Мама» әнін шырқап, дипломант атанды.  

Мұрат СҰЛТАНҒАЛИЕВ

Суретті түсірген А.Жұматина