Өз әкеңнен артық болса

- Мен әкемнің атын өзгерткім келеді. Өйткені, менің биологиялық әкем анамызбен екеумізді өміріміздің қиын кезеңінде тастап кетті. Мен оны мені өсірген, барлығына көмектесіп, мен үшін нағыз жақыныма айналған адамның атына ауыстырғым келеді.  

Заир

«Неке және отбасы туралы» заңға сәйкес, сіздің жағдайыңызда әкеңіздің атын ауыстыруға болады, - деп түсінік береді Атырау қалалық әділет басқармасының бастығы Сағымбай ТҰРҒАРИН. – Ол үшін сізге әділет басқармасына әкесінің атын ауыстыру үшін себептермен түсіндірілген тиісті арызбен келу керек. Әкесінің атын ауыстыру туралы өтінішке мынадай құжаттар тіркеледі: туу туралы куәлік, неке туралы куәлік, кәмелетке толмаған балалардың туу туралы куәліктері. Cондай-ақ, жеке бас куәлігі мен бекітілген үлгідегі екі фотосуретіңізді ала келіңіз.