Лицейдің қандай айырмашылығы бар?

– Жақында біз жанында №16 мектеп орналасқан үйге көшіп бардық. Ұлымызды осы мектепке ауыстырғымыз келген. Бірақ бізге №16 мектептің лицей екенін, ол жерге емтихансыз қабылданбайтынын айтып, бас тартты. №31 және №20 мектепке қатысты да осындай жағдай. Осы гимназиялар мен лицейлердің қарапайым мектептерден айырмашылығын түсіне алмаймын. Оларға бұл мәртебені кім береді? Гимназиялар мен лицейлерге қандай талаптар қойылады? Менің пікірімше, еш айырмашылық жоқ. Жұмыс істейтін де сол мұғалімдер, сабақтар да бірдей оқулықтармен оқытылады.

azh.kz сайтынан

Сұраққа қалалық білім бөліміндегілер жауап берді:

– Ж.Қаражігітов атындағы №16 мектептің лицей сыныптарына, облыстық әділет департаменті бекіткен Жарғыға сәйкес, оқушылар мекенжайға қарамай, бірақ жаратылыстану-математикалық бағыттағы пәндер бойынша бақылау тестісінің нәижелері бойынша қабылданады. Тестілеуді мектеп директорының бұйрығы бойынша құрылған арнайы комиссия өткізеді. Қазіргі уақытта №16 мектеп-лицей Авангард 4-ші ықшам ауданда тұратын 5-17 жастағы бүкіл баланы қамтиды. Мектеп-лицей ҚР Білім және ғылым министрлігінің 2013 жылғы 19 шілдедегі №289 бұйрығының №1 қосымшасымен бекітілген Мамандандырылған мектептердің (мектеп-лицей, лицей, мектеп-гимназия) үлгілік қағидаларының 6-тармағына сәйкес, жаратылыстану-математикалық бағыттағы пәндерді кеңейтілген, тереңдетілген бағдарлама бойынша оқытатын білім беру мекемесі болып табылады. Мектеп-лицейде «Өрлеу» біліктілікті арттыру ұлттық орталығының оқу орталықтарында Кембридж бағдарламасы бойынша 3 айлық курстардан өткен жоғарғы, бірінші санатты мұғалімдер сабақ береді.

Қалада 6 гимназия бар: №№13, 31, 30, 34, 35, СТГ. Сонымен қатар,  №№16 және 17 екі лицей бар. №20 мектеп әзірге лицей лицензиясын алған жоқ. Гимназия немесе лицей мәртебесін рәсімдеген кезде алдымен қала әкімінің қаулысы шығады, содан соң құжаттар Атырау облысы бойынша білім сапасын бақылау комитеті департаментіне жолданады.