Сылақ ұзаққа бармады

- Біз СМП-163-тегі 2009 жылы 6 қаңтарда берілген жаңа үйде тұрамыз. Жақында үйіміздің сыртқы бетінің сылағы түсіп қалды. Ал үйдің алдындағы көше жарығы өшіп,  подъездің алдынан түк те көрінбейді. Теміржол дистанциясының электрмен  қамту диспетчерлері «Атырау-Жарық» АҚ-на сілтейді. Ал ол жердегілер электр желілері иесіз деп, қалалық әкімдікке сілтейді. Қайда хабарласқан жөн?

Т. Шакиров

Қала әкімінің орынбасары Киікбай ЖАУЛИННІҢбіздің сауалымызға берген жазбаша жауабында, СМП-163 мөлтек ауданындағы көше жарығының ақауы жойылған, алайда үйдің  құлаған сылақтарын ретке келтіру бойынша үйге қызмет көрсететін ПИК басшылығына хабарласу қажет делінген. Бюджет жобаларының мердігерлері – құрылыс компанияларының кепілдік міндеттемелері туралы хатта бір ауыз сөз айтылмаған.