В Атырау +2 
Еуроодақ елдерінің көшбасшылары 1990 жылғы деңгеймен салыстырғанда, 2030 жылы атмосферадағы парник газ шығарындыларын 40 пайызға төмендету жөнінде уағдаласты.
Сондай-ақ, 2030 жылы жаңартылатын энергия үлесін жалпы энергетикалық теңгерімде 27 пайызға жеткізу жөнінде шешім қабылдады.
Бұл Брюссельде өткен қызу да шиеленіске толы айтыс-тартыстан кейін қол жеткізілген орындалуы міндетті шешім болды. Онда кейбір қатысушылар өз елдерінің экономикалық мүдделерін назарға алуды талап етіп, қарсылық білдірген.
Брюссельдегі тілшілер хабарлағандай, бұл келісім ЕО-ны энергетикадағы экологиялық таза технологияны дамытуда озық ұстанымға қайта шығаруы мүмкін.
Дереккөз: ҚазАқпарат
24 қазан 2014, 12:17