В Атырау +18.1 
19 қазанда кешкісін ІІБ-нің кезекші бөліміне Атырау қаласының 29 жастағы тұрғыны хабарласты. Ол «Сары арқа» ықшамауданындағы үй ауласының ойын алаңынан азиаттық келбеттегі белгісіз қыздың бес жасар ұлын ұрлап кеткенін мәлімдеді.
– Шағымданушының айтуынша, белгісіз қыз оның баласын «Опель» машинасына отырғызып, белгісіз жаққа алып кеткен. Полицейлер сол мезет жедел іздестіру шараларын бастады, - дейді ІІД баспасөз қызметінің жетекшісі Гүлнәзира МҰХТАРОВА.
20 минуттан кейін жедел басқару орталығының қызметкерлері бақылау камераларынан Авангард, 2-ші ықшамауданнан күдікті көлікті байқаған. Сол жерге барған полиция қызметкерлері машина ішінен әйел мен іздестіріліп жатқан баланы тапқан. Ұрлаушы 22 жастағы Шымкент тұрғыны болып шықты. Бала ата-анасына қайтарылды. Қылмыс себебі анықталуда, қылмыстық іс қозғау туралы мәселе шешілуде.
Тамара СУХОМЛИНОВА