9 қазанда шамамен таңертеңгі сағат 8.30-да Атырау – Астрахан тас жолында төрт адамның өмірін қиған көлік апаты орын алды.
Исатай ауданының Жанбай поселкесінде «Фольксваген-Шаран» мен «Тойота-Камри» көліктері бетпе-бет соқтығысып қалды. ІІД ӘПБ бас инспекторы Қайрат ӘБДІҒАЛИЕВТЫҢ айтуынша, апат болған жерде минивэннің 52 жастағы жүргізушісі, 73 жастағы және 14 жастағы жолаушысы, сонымен қатар 67 жастағы Тойота жолаушысы қайтыс болды. Тойота жүргізушісі мен оның тағы екі жолаушысы түрлі жарақаттармен Аққыстау селосының ауруханасына жатқызылды. Апатты тергеумен Исатай АІІБ айналысуда.
Мұрат СҰЛТАНҒАЛИЕВ