В Атырау
+2 
Облыстық прокуратура 2013-2014 жылдардағы мектепке дейінгі мекемелер қызметінен бірқатар заң бұзушылықтарды анықтады.
Атап айтқанда, облыстық прокуратураның баспасөз қызметінің хабарламасында 13 балабақшадағы 71 тәрбиешінің арнайы білімі жоқтығы айтылған. Асхана құралдарына бактериологиялық талдау жасағанда бес балабақшадан ішек таяқшасы анықталған. Мекемелер қызметі уақытша тоқтатылды. Сонымен қатар, 35 балабақша мен 12 шағын балалар орталығындағы санитарлық ережелердің бұзылғандығы анықталды.
Сонымен қатар, 10 балабақша мен 8 шағын балалар орталығында өрт қауіпсіздігі талаптарының бұзылғандығы анықталған.
Тексеру қорытындылары бойынша 26 лауазымды тұлға тәртіптік жауапкершілікке тартылып, 100 тұлғаға айыппұл салынды.
Мұрат СҰЛТАНҒАЛИЕВ