В Атырау
+2 
Ертең, 14 қыркүйекте сағат таңертеңгі 9-дан бастап үш тәулікке Привокзальный ықшамауданында әскери бөлімше жанындағы теміржол өткелінің астындағы қозғалыс толықтай жабылады. Бұл туралы бізге «Атырауинждорстрой» ЖШС хабарлады.
- Жұмыс көлемі қалалық әкімдікпен мақұлданды. Көрсетілген уақыт ішінде асфальттың екі қабаты төселіп, екі автобус «қалташасы», жаяу жүргіншілер жолы салынатын болады. Көлік қозғалысы Бірлік поселкесінің маңындағы жол өткеліне Говоров пен Элеваторный көшелерінің бойымен айналып өтеді, - деп хабарлады жол-құрылыс компаниясының өкілі Зайни МҰСТАЖАПОВ.
Мұрат СҰЛТАНҒАЛИЕВ
13 қыркүйек 2014, 23:07