Доминиканда ұшақ жоғалып кетті

1 697 просмотра

Доминикан Республикасында 10 қыркүйекте американдық компанияның қарамағындағы қос моторлы ұшағы жоғалып кетті. Бұл туралы Associated Press хабарлады.

Азаматтық авиация қызметінің ақпаратынша, ұшақ Санто-Домингодан елдің шығысындағы Пунто-Кана қаласына бағыт алған. Елордалық Лас-Америкас әуежайынан ұшқан соң диспетчерлік қызмет пен әуе кемесі арасындағы байланыс үзілген. Ұшақ бағыт алған қаласына дейін жетпеген.

Ұшақтың Делавэр штатындағы Довер қаласындағы компанияға тиесілі екені белгілі болды. Ел билігі ұшақты іздестіру жұмыстарына кірісті. Ұшақ бортында қанша адам болғаны әзірге белгісіз.

Дереккөз: ҚазАқпарат

12 қыркүйек 2014, 09:19

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.