В Атырау
-2 
– Балам Авангардтағы №19 мемлекеттік «Шұғыла» балабақшасына барады. Жақын арада бізге балаларды оқытуға арналған кітаптарға 6 мың теңгеден жинайтындығын айтты. Тәрбиешілер кітап болмаса, балаларға ештеңе үйрете алмайтындығын ескертті. Неліктен біз кітапқа ақша жинауға тиістіміз? Бізге қуыршақ театрына үнемі ақша жинаудың өзі жетіп жатыр.
Телефон арқылы
Сұраққа №19 «Шұғыла» балабақшасының меңгерушісі Сара МЕРЕКЕСОВА жауап берді: – Кітапқа ақша жинау туралы ақпарат шындыққа жанаспайды. Көптеген балабақшаларда ата-аналардың өздері балалар үшін әліппе-дәптерлерді сатып алады. Әңгіме азғана сома туралы болып отыр. Ал, кітаптарға 6 000 теңгеден жинайды, кітапсыз балаға үйретпейді деген сөз - қате. Ата-ананың өзі маған келсін, анық-қанығын білейін. Қуыршақ театрына келер болсақ, бұл тоқсан сайын бір рет қалалық білім беру бөлімінің рұқсатымен ұйымдастырылады.