В Атырау
+12 
«Еуразия» телеарнасындағы жаңа маусымда бізді екі жаңа жоба күтіп тұр: «Большая разница» және «Фактор Х-treme». Х-tremе жобасына «Х-фактор» байқауының же-ңімпазы атыраулық Руслан БЕРДИМАТОВ та қатысатын болды.
«Еуразия бірінші арнасының» бас директоры Ләззат ЖҮНІСОВАНЫҢайтуынша, «X-фактор» шоу-жобасы Қазақстанда ең ауқымды көрермен аудиториясын жинады. Жоба аяқталса да көрермендер жаңа тосын сыйларды – Бірінші арна бағдарламаларының деңгейіне сәйкес келетін тұғырнамалық бағдарламаларды күтеді. Жекелей алғанда, жаңа телемаусымда арна «Большая разница» және «Фактор Х-treme» атты екі жобаны жібермек.
«Атауынан көрініп тұрғандай жоба спортпен байланысты болады. Әзірге бұдан басқа ештеңе айта алмаймын, барлық құпияларды біз тіпті, шоуға қатысушыларға да айтпаймыз. Жобаға қатысушыларды біздер «Х-фактор» финалистерінің ішінен іріктеп алдық. Біз әзірге қатысуышлардың нақты санын – 9 не 12 бола ма, белгілей қойғанымыз жоқ. Руслан, әрине, ерекше дарынды жігіт, дегенмен біз бұл жобаның спорттық болғандығынан болашақ шоу қатысушыларының физикалық тұрғыда да дайын болуына көңіл аударып отырмыз, алайда, бастысы- адамдардың жобаға қатысуға ниет білдіруі», -деп әңгімелейдіжоба үйлестірушісі Разия ЫДЫРЫСБАЕВА.
«Маған «Еуразия» телеарнасынан қоңырау шалған кезде мен іскерлік кездесуге таксимен кетіп бара жатқанмын. Олар маған егжей-тегжейлі түсіндіріп жатпады, тек бұл жобаның маған міндетті түрде ұнайтындығын айтты. Мен үшін «Еуразия» жобаларына қатысу үлкен құрмет, бұдан басқа мен көптеген адамдармен танысар едім, сондай-ақ, мені тележобалардан тағы бір жаңа тәжірибелер күтер еді. Бұл мен үшін өте маңызды. «Еуразия бірінші арнасынан» келген ресми шақыртуда түсірілімдердің Алматыда 10 шілдеден 15 тамызға дейін болатындығы айтылған», - дейді Руслан БЕРДИМАТОВ. Бізге жаңа телемаусымды асыға тосып, бәрін өз көзімізбен көру қана қалды.
Зульфия ИСКАЛИЕВА