"Ислам мемлекеті" АҚШ журналисін өлтіргенін айтады

Фото: ReutersИрактағы "Ислам мемлекеті" ұйымының содырлары 2012 жылы қарашада Сирияда ұрланған америкалық журналист Джеймс Фолидің басын алғаны туралы бейнежазбаны интернетте жариялады.

"Америкаға жолдау" деп аталатын өлім жазасы туралы видео әлеуметтік желілерде 19 тамыз күні жарияланған. Әзірге бұл видеоның шынайылығы растайтын дәлел табылған жоқ.

"Ислам мемлекетінің" содырлары соңғы айда Ирак пен Сирияның біраз территориясын басып алған. Содырлар шабуылының үдеуі АҚШ-ты олар басып алған территорияларға әуеден соққы беруге мәжбүр етті.

Дереккөз: azattyq.org