Оқиғалар тізбегі

Тамыздың 11-і күні күні «Дина» базарында 40 жастағы қызылқоғалық өзіне таныс емес 6 жасар қызды соққыға жыққан. Сәби жеңіл дене жарақатын алды. Қаскүнем ұсталып, кейін басқа жаққа кетпеу туралы қолхатпен босатылды.

* * *

Атырау мөлтек ауданында 8 тамыз күні «Хюндай» маркалы маршрутты автобус экскаваторды айналып өтпек болған кезде күрегіне ілініп қалып, аударылды. Бір жолаушы жарақаттармен ауруханаға жеткізілді, тағы үш жолаушы жеңіл жарақат алды. Тергеу жалғасуда.

* * *

Қаланың 27 жастағы тұрғыны Жұмыскердегі дүкеннен бір жәшік сыраны ұрлап кеткен. Ұры анықталды.

* * *

Өзбекстан азаматы Ракуша ауылында тұратын таныс құрбысының үйінен алтын әшекейлерді ұрлаған. Әйел ұсталып, басқа жаққа кетпеу туралы қолхатпен босатылды.