В Атырау
+4 
Шілденің 30-ы күні түсқайта «АтырауСуАрнасы» КМК кеңсесі ауласында ГАЗ-3307 автокөлігі өртенді. Шанағы мен қозғалтқыш бөлігі түгел жанып кетті. Құрбандар мен зардап шеккендер жоқ.
***
Қызылқоға ауданының Аққұдық елді мекенінде 30 шілде күні сағат 18.00-де 35 гектаралаңда қу шөп өртенді.20.00-де дала өрті толықтай сөндірілді.
***
Тамыздың 4-і күні кеште Жамбыл – Грибоедов көшелерінің қиылысында екі жеңіл көлік соқтығысты. 1994 жылы туған жүргізушілердің бірі жарақат салдарынан оқиға орнында көз жұмды. 1978 жылы туған екінші жүргізуші ауыр халде ауруханаға түсті.
***
Тамыздың 3-і күні Береке ауылындағы ЖШС-тердің бірінде жұмыс жасайтын ОҚО тұрғыны полицияға хабарласты: оның жеке меншік Mazda автокөлігі ұрланған екен. Ұры алыстан келмепті: көлігін айдап кеткен жұмыстасы болып шықты. Қазір оған іздеу жарияланды.
***
Өткен сенбіде Атырау қаласы криминалдық полициясы 2011 жылдан бері кісі өлтіргені үшін халықаралық іздеу жарияланғанКарачай-Черкес елінің тұрғынын ұстады. Оны Ресейге экстрадициялау мәселесі шешілуде.