Голды легионерлер ғана салды

13 шілдеде футболдан ел чемпионатының 20-туры матчында «Атырау» командасы өз алаңында қызылордалық «Қайсарды» қабылдады.  

Алаң иелері көп шабуылдағанмен, гол соғатын сәттерді дұрыс пайдалана алмады. Ал қонақтар болса, өз мүмкіндіктерін жібермеді. Ойынның 8-минутында «Қайсардың» эстондық легионері Римо ХУНТ гол соқты. 45-минутта серб Милош ТРИФУНОВИЧ пенальтиден есепті теңестірді, есеп 1:1. Ал матчтың 68-минутында малилік Мамуту КУЛИБАЛИДІҢ соққысынан кейін қонақтар алға шығып, ойын соңында Римо Хунт есепті еселеді – 3:1, қонақтар жеңіске жетті. Жанкүйерлер «Мұнайшы» стадионынан көңілдері түсіп шықты.  

Мұрат СҰЛТАНҒАЛИЕВ