В Атырау +2 
Дүйсенбі күні өткен үкімет отырысында республика президенті Эмомали Рахмон Қасиетті Рамазан айында азық-түлік, оның ішінде ет бағасының негізсіз қымбаттап кеткенін айтқан болатын.
«Мемлекет басшысы оның себебін анықтап, мәселені шешуді жүктеді. Мұсылман салтына сәйкес бұл уақытта бағалар шарықтамай, қайта төмендеуі тиіс», - деп хабарлады мемлекет басшысының баспасөз қызметі.
Соңғы күндері Душанбе базарларында баға күрт өсіп кеткен, мәселен ет 20%-ға қымбаттапты.
Қала басшысы Махмадсаид Убайдуллоев дүйсенбі күні жиын өткізіп, 20 түрлі азық-түлік бағасын төмендетуді тапсырды. Коммуналдық және жекеменшік базар басшыларына еттің келісі 36 сомони (7,03 доллар) шамасында болуы қажеттігі ескертілді. Бағаны бақылау үшін сыртқы бейне бақылау камералары орнатылады.
Дереккөз: bnews.kz