«Мұнайшы» спорт кешені туралы іс

Қаржы полициясының департаменті «“Мұнайшы” спорт кешені» КҚМК директорына қатысты ҚР ҚК-нің 176-бабы 3-тармағының «б» және «г» тармақшалары («Мемлекеттiк қызметтер атқаруға уәкiлеттi адамның сенiп тапсырылған бөтен мүлiктi ірі мөлшерде иеленiп алуы немесе ысырап етуі») бойынша қылмыстық іс қозғады.

Облыстық қаржы полициясының баспасөз хабарламасында былай делінген: «“Мұнайшы” спорт кешені» КҚМК директоры азамат К. 2013 жылдың қаңтары мен 2014 жылдың наурызы аралығында іс жүзінде осы мекемеде жұмыс істемейтін 8 азаматқа заңсыз жалақы төлеп, осылайша жалпы сомасы 3,2 млн теңге мөлшерінде сеніп тапсырылған бюджет қаржысын ысырап еткен.

Қылмыстық іс тергелуде. Нәтижелері жұртшылыққа жеткізілетін болады».

Мұрат СҰЛТАНҒАЛИЕВ