Донецкіде Бірінші арнаның операторы өлтірілді

Украинаның Донецк қаласында «Бірінші арнаның» операторын өлтіріп кетті, деп хабарлады Донецк халықтық республикасының баспасөз орталығы. 

«Оқ Бірінші арнаның операторының ішіне тиді, ол содан көз жұмды», - деді агенттікпен әңгімелесуші. 

Марқұм оператордың есімі Анатолий Клян, деп хабарлады Russia Today телеарнасы. 

«Бірінші арна» таңғы жаңалықтарда өздерінің журналисі қаза болғанын растады. "Қайғылы оқиға әскери бөлімдердің бірінің жанында болды. Ол жерге түсірілім тобы репортаж жасауға барған еді», - деді жаңалықтар жүргізушісі.