Рамазан – шарапат айы

26 маусымда облыстық мешіттің бас имамы Батыржан МАНСҰРОВ 28 маусымда басталатын қасиетті Рамазан айына орай баспасөз конференциясын өткізді.

Биыл Ораза тұту 28 маусымнан 27 шілдеге дейін жалғасады. Қадір түні немесе «Ләйлә-тул-Қадыр» 23-інен 24-іне қараған түнге сәйкес келеді. Ораза айттың басталуына орай айт намазы 28 шілдеде таңғы сағат 7-де басталады. Пітір садақа мереке басталғанға дейін берген жөн. Оның төменгі мөлшері әр адамнан 200 теңгеден.

– Ораза кезінде облыстағы әр мешітте күн батқаннан кейін ауыз ашар беріледі. Қасиетті Рамазан айы – бұл шарапат айы екенін ұмытпау керек. Мүмкіндігі бар жамағатты ауқатсыз жандарға көмек көрсетуге шақырамын, - деді имам Б.Мансұров.

Мұрат СҰЛТАНҒАЛИЕВ

Суретті түсірген Қанат ЕЛЕУОВ