Біздің еріктілерді Сочиде бағалады

Zhasatyrau.kz қоғамдастығындағы атыраулық еріктілердің әрекетшілдігі сондай, оларды «Славянское содружество» студенттер шығармашылығы фестивалінің аясында ТМД елдеріндегі әріптестерімен өз идеяларын бөлісу үшін Сочиге шақырды.

Жақында олар Сочиден фестивальдің ауқымдылығына әсерленіп, қанаттанып қайтты.

– Біз креативті және қызықты көп адамдарды көрдік, - дейді Сочидегі делегация жетекшісі Дина ІЗТЕЛЕУОВА. – Өзіміздің де қарап қалмағанымызды айтқым келеді. Біз зейнеткерлерге қол үшін беруге қатысты өзіміздің әлеуметтік жобамызды таныстырдық. Ол 50 жобаның ішінен іріктелген төрттікке енді. Фестиваль қатысушыларына біздің идеямыз ұнап, олар оны өздерінде қолға алуды ұйғарды. Қандай идея дейсіз бе? Мұны алдын ала айтпай-ақ қоялық, қазір біздің жобамыз қалалық әкімдікте бекіту кезеңінде жатыр. Ол бекітілгеннен кейін толық айтып береміз.

Олардың аттас порталын әлеуметтік Facebook желісінен табуға болады. Ол жерде жастар (қоғамдастықта 100-ден астам белсенді ерікті бар) өз қызметі туралы репортаждарды, тұрғындарға жүргізілген әлеуметтік сауалнама нәтижелерін және т.б. көптеген нәрселерді жариялайды. Жасатыраулықтардың Қарттар үйінде «Қазақфильмнің» аңызға айналған «Қыз Жібек» туындысы көрсетілген кино кешін ұйымдастырулары соңғы кезде өткізген акцияларының бірі болды.

Анастасия ПАСТУХОВА