В Атырау
+2 
20 маусым күні Исатай-Махамбет алаңында облыстық cалауатты өмір салтын қалыптастыру орталығының ұйымдастыруымен «Нашақорлыққа «Жоқ!» де!» ұранымен фестиваль өтті.
Жергілікті өнерпаздар концерт беріп, ІІД кинологтары қызмет бабынан көріністер қойды. Арнайы үйретілген иттер «жасырылған есірткіні» іздеп тапты, олардың көмегімен шартты қылмыскер ұсталды. Қаладағы фитнес орталықтарының бірінің жаттықтырушылары өткізген ырғақты жаттығулар да қызықты болды. Сондай-ақ, жиналғандарға есірткінің қауіптілігі туралы бетшелер таратылды.
Облыстық наркологиялық диспансер мен облыстық білім беру басқармасы жыл сайын мектеп оқушыларына тестілеу жүргізеді. Бірінші жартыжылдықта 4 126 жоғары сыныптың оқушысы тексеріліп, олардың тоғызынан оң нәтиже анықталды. Диспансерде бүгінде 861 адам есепте тұр.
Нұргүл ХАЙРУЛЛИНА
Суретті түсірген автор