«Бізде енді басқа кесте»

Мемлекеттік энергетикалық қадағалау және бақылау комитетінде өткен селекторлық кеңесте Атырау ЖЭО қызметі сынға алынды.

«АЖЭО-да турбоагрегаттарды жөндеу кестесінен қалыс қалу байқалады. Жалпы кәсіпорындағы жөндеу жұмыстарының қарқыны жеткіліксіз деп бағаланды», - делінген еліміздің Энергоқадағалау қызметінің сайтында.

Біз комментарий алу үшін «АЖЭО» АҚ бас инженері Борис РАМАЗАНОВҚА (суретте) хабарластық.

– Мәселе мынада, біз Энергоқадағалау комитетінде бұрын бекітілген жөндеу кестесін қайта қарап шықтық. Мерзімді ұзарттық, есесіне жөндеуді анағұрлым мұқият жүргіземіз. Қосалқы бөлшектерді көбірек сатып алып, қысқа сапалы дайындық жүргіземіз, - дейді Б. Рамазанов. – Ал, Энергоқадағалау ескі жөндеу мерзіміне сілтеме жасаған, жанжал осыдан туындап отыр. №4, 6 турбоагрегаттар мен №2, 9 қазандықтар уақытында жөндеуден өтетін болады.

Мұрат СҰЛТАНҒАЛИЕВ