Атырау облысы бойынша қаржы полициясы департаменті Махамбет аудандық ауруханасында қаржы ұрланғандығы туралы ақпарат таратты.
Баспасөз хабарламасында 15 маусымда қаржы полициясының ҚР ҚК-нің 176-бабы 3-тармағының «б», «г» тармақшалары («Мемлекеттiк қызметтер атқаруға уәкiлеттi адамның сенiп тапсырылған бөтен мүлiктi иеленiп алуы немесе ысырап етуі») бойынша «Махамбет ауданының орталық ауруханасы» КМК бас дәрігері азамат Е-ге және бас есепші М-ға қатысты қылмыстық іс қозғағаны жазылған.
2012 жылдың 19 қыркүйегінде аурухана басшылығы кәсіпкер Ш-мен кеңсе тауарларын жеткізу жөнінде келісімшарт жасаған. Тауар жеткізілмеген, алайда аталмыш тұлғалар қабылдау актісіне қол қойған. Осылайша мемлекетке 2 млн теңге сомасында зиян келтірді.
Мұрат СҰЛТАНҒАЛИЕВ