Путин мен Порошенко телефон арқылы сөйлесті

2 892 просмотра

Украина президенті Петр Порошенко (сол жақта) мен Ресей президенті Владимир Путин. Нормандия, 6 маусым 2014 жыл. Ресей президенті Владимир Путин мен Украина президенті Петр Порошенко 19 маусымда кешке телефон арқылы екі ел арасындағы жанжалды реттеу жайын сөйлесті.

Путиннің баспасөз хатшысы Дмитрий Песковтың хабарлауынша, "Ресей-Украина қарым-қатынасын талқылаудан өзге, Путин Украинаның оңтүстік-шығысында қақтығыстарды реттеу үшін атысты тоқтатудың маңызды екенін айтқан".

Украина президентінің баспасөз қызметінің хабарлауынша, Порошенко бейбіт жоспарын іске асырудың маңызды тұстары мен кезеңдері жайлы айтқан. Украина президенті кепілдегілерді босатып, украин-ресей шекарасында тиімді бақылау тәртібін орнату қажеттігін жеткізген.

Украина мен Ресей президенттері осы аптада осымен екінші рет телефон арқылы сөйлесіп отыр. Мұның алдында Порошенко мен Путин 17 маусымда сөйлескен.

Дереккөз: azattyq.org

20 маусым 2014, 10:59

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.